Steingrímur: Þingið að falla á tíma

„Líkurnar á því að þingstörfum ljúki á tilsettum tíma aukast ekki ef málþófið, ef málþóf skyldi kalla, heldur áfram. Hann er dýr hver dagurinn þegar svona er komið,“ segir Steingrímur J. Sigfússon, formaður Vinstrihreyfingarinnar - græns framboðs, aðspurður hvort takast muni að halda starfsáætlun þingsins og ljúka þinginu 31. maí næstkomandi. 

„Framganga stjórnarandstöðunnar dæmir sig sjálf. Umræðan í kvöld er borin upp af fimm mínútna ræðum og svo fimmtán mínútna andsvörum samherja hver við aðra. Andsvörin voru auðvitað ekki hugsuð þannig.

Það á eftir að ljúka afgreiðslu mjög mikilvægra mála og tíminn hefur nýst illa. Það er því orðið augljóst að þetta er allt orðið miklu knappara en það þyrfti að vera. Allt þetta þóf núna er að því er virðist til að koma í veg fyrir að þjóðin fái að segja álit sitt á drögum að nýrri stjórnarskrá,“ segir Steingrímur.

• 2 blogg um fréttina

Bloggað um fréttina

• Ómar Ragnarsson: Féllu ekki á tíma 1942 og 1959.
• Sigurður Haraldsson: Allir sem eru innan þessa veggja!