Tíu sækja um forstjórastöðu FME

Tíu sækja um starf forstjóra Fjármálaeftirlitsins, sem auglýst var skömmu eftir að Gunnar Þ. Andersen lét af störfum. Á meðal umsækjenda er settur forstjóri FME. Unnur Gunnarsdóttir.

Þeir sem sækja um stöðuna eru:

• Árni Thoroddsen, kerfishönnuður
• Bolli Héðinsson, hagfræðingur
• Guðrún Jónsdóttir, fyrrv. framkvæmdastjóri
• Guðmundur Ásgeirsson, kerfisfræðingur
• Jared Bibler, rannsakandi
• Jóhannes Karlsson, MBA og doktorsnemi í hagfræði
• Magnús Sigurðsson, flugvélfræðingur
• Óttar Guðjónsson, framkvæmdastjóri
• Unnur Gunnarsdóttir, settur forstjóri
• Vilhjálmur Bjarnason, lektor

„Stjórn FME mótaði mjög ítarlegt ferli fyrir ráðninguna áður en starfið var auglýst laust til umsóknar. Ferlinu er lýst í skjali sem er aðgengilegt öllum á vef eftirlitsins.  Markmiðið með því að móta skýrt og ítarlegt ferli og birta það strax í upphafi er fyrst og fremst að finna besta mögulega forstjórann fyrir eftirlitið, en einnig vonumst við til að þessi vinnubrögð veki traust umsækjenda og annarra á því að ráðið verði í þetta mikilvæga starf með faglegum og hlutlægum hætti,“ segir Aðalsteinn Leifsson, formaður stjórnar FME.

„Gylfi Magnússon, sem hafði verið skipaður í matsnefnd, einn þriggja, telur sig ekki hæfan vegna þess að hann er vel kunnugur einum umsækjendanna,“ segir Aðalsteinn.

Axel Hall, lektor, var fenginn í stað Gylfa.

• 1 blogg um fréttina

Bloggað um fréttina

• Guðmundur Ásgeirsson: 40% umsækjendur í annað sinn