Sökudólgarnir í þorpum og bæjum

Sökudólgar efnahagshrunsins haustið 2008 eru íbúar Bíldudals, Eskifjarðar, Flateyrar, Súðavíkur, Grundafjarðar, Króksfjarðarness og Fáskrúðsfjarðar. Þetta segir Björn Valur Gíslason, þingflokksformaður Vinstri grænna, og óskar Landsbankanum til hamingju með uppgötvunina.

„Sökudólgarnir fundust loksins í þorpum og bæjum víða um land þegar við héldum flest að þeir væru í þéttbýlinu á suðvestur horni landsins,“ segir Björn Valur í pistli á vefsvæði sínu. „Jú, það voru íbúar þessara staða sem settu bankakerfið á hausinn. Þangað má rekja fall íslenska bankakerfisins. Þar eru breiðu bökin sem réttu eiga að bera afleiðingar Hrunsins á herðum sínu.“

Björn Valur vísar í frétt á vefsvæði Landsbankans þar sem tilkynnt er um rekstrarhagræðingu Landsbankans sem kynntar voru í gær, og segir að ætla megi ofangreint út frá umræddri hagræðingu. „Til hamingju að það, Landsbanki allra landsmanna!“

• 1 blogg um fréttina

Bloggað um fréttina

• Heimir Lárusson Fjeldsted: Haldið til haga