Listflug við Reykjavíkurflugvöll

Fjöldi fólks hefur í dag fylgst með flugvélum sýna listflug á Reykjavíkurflugvelli, en Flugmálafélags Íslands stóð fyrir flugsýningu þar sem hægt var að skoða flugvélar af öllum stærðum og gerðum.

Einnig var hægt að fylgjast með listflugi, nákvæmnisflugi á þyrlu, flugmódelum, svifflugum, svifvængjum og raun flestu því sem flogið getur. Landhelgisgæslan var með sýningarflug.

Í tilefni af 75 ára afmælis Icelandair kom Catalina-flugbátur til landsins. Catalina-flugbátar Flugfélags Íslands, Gamli-Pétur, Sæfaxi og Skýfaxi, og Loftleiða, Vestfirðingur og Dynjandi, áttu mikinn þátt í uppbyggingu innanlandsflugs á árunum 1944 til 1961 þegar flugvellir voru fáir, samgöngur á landi erfiðar og sjóferðir tímafrekar.

Síðasti Catalina-flugbáturinn í notkun hérlendis var landhelgisflugvélin TF-Rán. Hún var í notkun hérlendis frá 1954 til 1963 og kom hún mjög við sögu í þorskveiðideilum Íslendinga við Breta. 

• 4 blogg um fréttina

Bloggað um fréttina

• Halldór Sigurðsson: Frábær flugsýning í dag - myndir og myndband
• Haraldur Haraldsson: Listflug við Reykjavíkurflugvöll/Æi ég gat ekki farið,en flug hefur alltaf …
• Sigmar Þór Sveinbjörnsson: Glæsileg flugsýning á Reykjavíkurflugvelli.
• Ómar Ragnarsson: Hitti aftur gömlu elskuna mína!