Fór betur en á horfðist

Kona á miðjum aldri slapp svo gott sem ómeidd eftir umferðarslys síðdegis í gær. Þá ók hún bifreið sinni, Volkswagen Polo, á brúarstólpa með þeim afleiðingum að bifreiðin hafnaði ofan í læk sem rennur við Fornu-Fróðá, skammt frá gatnamótunum að Fróðárheiði á norðanverðu Snæfellsnesi.

Samkvæmt upplýsingum frá vegfaranda fór bifreiðin af miklu afli fram af brúnni og hafnaði raunar á brúarstólpanum fjær áður en hún lenti á hvolfi ofan í læknum.

Konan, sem var ein í bílnum, komst af sjálfsdáðum út og þykir með ólíkindum að hún hafi sloppið svo vel frá slysinu. Meiðsli hennar reyndust lítilsháttar og eru tildrög slyssins enn ókunn.

• 1 blogg um fréttina

Bloggað um fréttina

• Haraldur Haraldsson: Fór betur en á horfist//Já það má nú segja það,svo …