Vigdís Hauksdóttir, þingmaður Framsóknarflokksins, kvaddi sér hljóðs á Alþingi í dag og fagnaði fréttum af því að Timo Summa, sendiherra Evrópusambandsins á Íslandi, væri á förum frá landinu og að embættið hefði verið auglýst laust til umsóknar. Vísaði hún í því sambandi til fréttar á vefnum Evrópuvaktinni.

Sagði hún að róður þeirra sem vildu Ísland í ESB hefði verið erfiður hér á landi og tengdi brotthvarf Summa við það. Rifjaði hún upp að sendiherrann hefði verið gagnrýndur harðlega fyrir afskipti af umræðunni um hugsanlega aðild Íslands að sambandinu og hefðu bæði hann og Evrópustofa meðal annars verið sökuð um að brjóta gegn íslenskum lögum í þeim efnum um starfsemi sendiráða.

Í frétt Evrópuvaktarinnar segir að auglýsing um að sendiherraembættið á Íslandi væri laust hefði verið birt í apríl innan ESB. Catherine Ashton, utanríkismálastjóri ESB, muni eiga síðasta orðið um nýjan sendiherra sem verði valinn úr hópi embættismanna sambandsins eða úr hópi manna sem ríkisstjórnir einstakra aðildarríkja þess tilnefna.

Þá er rifjað upp að Summa hafi verið sendiherra hér á landi frá árinu 2009 og hafi nú gegnt embættinu í þann tíma sem þyki eðlilegur samkvæmt reglum ESB.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Gísli Foster Hjartarson: Maður kemur í manns stað
• Jón Ingi Cæsarsson: Bullkvóta á þingmenn.