Bjartsýn á samkomulag

„Það er verið að vinna í að semja um þinglok. Ég býst við því á næstunni, ég er mjög bjartsýn á að það komi í vikunni,“ segir Ásta Ragnheiður Jóhannesdóttir, forseti Alþingis. Hún sagði stemninguna á Alþingi góða í dag þar sem mörg mál hefðu verið afgreidd.

Alls voru sjö frumvörp ríkisstjórnarinnar samþykkt sem lög frá Alþingi í kvöld, þar má nefna frumvarp um háskóla, varnir gegn kynferðislegri misnotkun barna, réttindagæslu fyrir fatlað fólk, réttarstöðu einstaklinga með kynáttunarvanda og myndlistarlög. Þá voru einnig tvær tillögur ríkisstjórnarinnar samþykktar um framkvæmdaáætlum í málefnum fatlaðs fólks og stefna um beina erlenda fjárfestingu.

„Svo er lokahnykkurinn eftir, menn eru að tala saman um stærstu málin sem eftir er að semja um,“ segir Ásta Ragnheiður.

• 3 blogg um fréttina

Bloggað um fréttina

• Ólafur Ragnarsson: "Já ég held að þetta "þófaralið""
• Jakobína Ingunn Ólafsdóttir: Gjafakvóti og skuldaþrælkun
• Haraldur Haraldsson: Bjartsýn á samkomulag/Annað var að heyra á Birni Vali flokksformanni …