Engin niðurstaða um þinglok

Fundi formanna stjórnmálaflokka á Alþingi er lokið en umræðuefnið var mögulegt samkomulag um þinglok. Engin niðurstaða náðist á fundinum í kvöld og samkvæmt heimildum mbl.is strandaði málið á veiðigjöldunum.

„Það eru engar forsendur fyrir samkomulagi við stjórnarandstöðuna þegar það er ætlun ríkisstjórnarinnar að festa í lög gjald sem setur rekstrarumhverfi útgerðarinnar í uppnám,“ segir Bjarni Benediktsson, formaður Sjálfstæðisflokks.

„Þetta er meiriháttar breyting á gildandi lögum. Það er óásættanlegt annað en að menn séu með langtímahugsun að baki slíkum kerfisbreytingum en ekki einhverjar skammtímavæntingar ríkisstjórnarinnar um fjáröflun verkefna í aðdraganda kosninga.“

Annar fundur í gangi

Samkvæmt áreiðanlegum heimildum mbl.is funda nú þingflokksformenn ásamt Ástu Ragnheiði Jóhannesdóttur þingforseta í kjölfar fundar formanna flokkanna. Talið er að efni fundarins snúist um þinglok.

• 2 blogg um fréttina

Bloggað um fréttina

• Benedikta E: Krafist er þingrofs og kosninga !
• Haraldur Haraldsson: Engin niðurstaða um þinglok//Það er svona Jóhanna fersk af fundi …