Fleiri útlendingar setjast hér að

Útlendingum sem setjast hér að og fá íslenska kennitölu fjölgar nú á ný. Þjóðskrá skráði 300 útlendinga á svonefnda utangarðsskrá sína fyrstu fimm mánuði ársins, sem er aukning um 35% miðað við sama tímabil í fyrra.

Í umfjöllun um mál þetta í Morgunblaðinu í dag segir Vilhjálmur Egilsson, framkvæmdastjóri Samtaka atvinnulífsins, mörg fyrirtæki kvarta undan því að erfitt sé að manna störf, m.a. í ferðaþjónustu.