IPA-styrkir samþykktir
Setja bókamerki
Rammasamningur ríkisstjórnarinnar við Evrópusambandið um svonefnda IPA-styrki, sem ætlað er að aðstoða við undirbúning fyrir aðild að sambandinu, var samþykktur á Alþingi í kvöld með 30 atkvæðum gegn 18. Fjórir þingmenn greiddu ekki atkvæði en aðrir voru fjarverandi.
Afgreiðsla málsins var hluti af samkomulagi um þinglok sem náðist fyrr í dag.
Rammasamningurinn var samþykktur af þingmönnum Samfylkingarinnar og Vinstrihreyfingarinnar - græns framboðs sem viðstaddir voru að undanskildum Jóni Bjarnasyni, þingmanni VG, sem greiddi atkvæði gegn honum og Ögmundi Jónassyni, innanríkisráðherra, sem sat hjá við atkvæðagreiðsluna. Þá samþykku þingmenn Hreyfingarinnar samninginn.
Þingmenn Framsóknarflokksins og Sjálfstæðisflokksins greiddu á hinn bóginn atkvæði gegn rammasamningnum að undanskilinni Eygló Harðardóttur, þingmanni Framsóknarflokksins, sem studdi samningana.
„Má segja að þetta gos hafi þjófstartað“
Spara stórfé með olíukaupum ytra
„Erum í miðri hrinu“: Styttist í Eldvörp
Myndir: Grindavíkurvegur aftur undir hraun
Sáu eldgosið brjótast út frá Snæfellsnesi
Þórarinn: Tafir á höfuðborgarsvæðinu ekki minni
Hraun fór yfir Grindavíkurveg