112 fyrirtæki gjaldþrota í maí

112 fyrirtæki voru tekin til gjaldþrotaskipta í maímánuði. Flest gjaldþrot voru í byggingarstarfsemi og mannvirkjagerð sem og heild- og smásöluverslun, viðgerðir á vélknúnum ökutækjum.

Til samanburðar voru 175 fyrirtæki tekin til gjaldþrotaskipta í maí í fyrra. Fyrstu fimm mánuði ársins var fjöldi gjaldþrota 520, en það er um 26% fækkun frá sama tíma í fyrra þegar 702 fyrirtæki voru tekin til gjaldþrotaskipta.

Í maímánuði voru skráð 151 ný einkahlutafélög, flest í fjármála- og vátryggingastarfsemi annars vegar og fasteignaviðskiptum hins vegar. Til samanburðar voru 145 ný einkahlutafélög skráð í maí í fyrra. Fyrstu fimm mánuði ársins var fjöldi nýskráninga 737, en það er 1% aukning frá sama tíma í fyrra þegar 731 fyrirtæki voru nýskráð.

• 1 blogg um fréttina

Bloggað um fréttina

• Ómar Geirsson: Kreppan er búin!!!