„Maria Damanaki [sjávarútvegsstjóri ESB] er einfaldlega að segja að það séu bein tengsl á milli ESB-viðræðnanna og makríldeilunnar. Þetta gengur þvert á það sem íslensk stjórnvöld hafa haldið fram,“ segir Einar K. Guðfinnsson, þingmaður Sjálfstæðisflokksins, um ummæli sem Damanaki lét falla í dag.

Á bloggsíðu sinni spyr Einar hvað hún eigi við þegar hún segi að skiptar skoðanir séu innan ráðherraráðsins um hvort opna skuli sjávarútvegskaflann í viðræðum um aðild Íslands að ESB.

„Af ummælum hennar á blaðamannafundi hér á landi í dag má glögglega skilja að ástæðan sé sú að ekki er búið að útkljá makríldeiluna,“ skrifar Einar og bætir við að ummælin séu mjög athyglisverð.

„Og hvað segja þau okkur? Maria Damanaki er einfaldlega að segja að það séu bein tengsl á milli ESB-viðræðnanna og makríldeilunnar. Þetta gengur þvert á það sem íslensk stjórnvöld hafa haldið fram. Þau hafa sagt að þar séu engin tengsl. Nú upplýsir sú er gerst má vita, að tengsl makríldeilunnar og ESB-umsóknarinnar séu ekki einasta bein, heldur órjúfanleg,“ skrifar Einar.

Þá segir hann að eftir þetta sé engin ástæða til þess að karpa um málið. Æðsti yfirmaður sjávarútvegsmála innan ESB hafi talað. Þá segir hann að „undanbrögð íslenskra ráðamanna úr ESB-flokkunum (VG og Samfylkingu) munu ekki lengur duga til þess að afvegaleiða umræðuna.“

Strandar á makríldeilunni

Frá blaðamannafundi Mariu Damanaki, framkvæmdastjóra sjávarútvegsmála ESB, í dag. mbl.is/Kristinn

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 1 blogg um fréttina

Bloggað um fréttina

• Samtök um rannsóknir á ESB ...: Damanaki viðrar hótanir og augljósar blekkingar í örstuttu Rúv-viðtali