Héraðsdómur Reykjavíkur dæmdi í dag 18 ára pilt í sex mánaða skilorðbundið fangelsi fyrir manndráp af gáleysi, en hann ók bíl sem endaði á húsvegg við Geirsgötu í ágúst 2011, með þeim afleiðingum að 17 ára gamall piltur lét lífið.

Fullnustu refsingar er frestað haldi hann skilorð í tvö ár. Pilturinn var einnig sviptur ökuréttindum í þrjú ár. Þá var hann dæmdur til að greiða foreldrum Eyþórs Darra Róbertssonar, sem lést í slysinu, sex milljónir í miskabætur.

Pilturinn játaði brot sitt fyrir dómnum, en ágreiningur var hins vegar um hraða bílsins. Sérfræðingar sem rannsökuðu bílinn og vettvang áætluðu að bílnum hefði verið ekið á 119 km hraða. Löglegur hámarkshraði þarna er 50 km. Pilturinn taldi hins vegar að hann hefði ekið á 70 km hraða.

Frétt mbl.is um réttarhöldin

Tengdar fréttir

Váin á vegunum

Keyrði veginn á báðum akreinum

• Missti stjórn þegar hann ók yfir skafl
• Um helmingur látinna var í belti
• „Af hverju ég en ekki þær?“
• Langt síðan svo fáir létu lífið

» Fleiri tengdar fréttir

• 1 blogg um fréttina

Bloggað um fréttina

• Árni Davíðsson: Ekki slys