Leit þyrluáhafnar Landhelgisgæslunnar að hvítabirni hefur engan árangur borið, þrátt fyrir ítarlega leit. Áhöfnin fann hins vegar öldumælisdufl í dag sem hafði slitnað upp fyrir nokkru. Hafði duflið rekið frá Straumnesi,  fyrir Horn og inn á Strandir.

Gæslan segir að lent hafi verið við duflið og það tekið um borð. Þá var flogið á Ísafjörð til eldsneytistöku og síðan til Reykjavíkur þar sem lent var kl. 17:30.

Fram kemur í tilkynningu frá Gæslunni, að kl. 16:55 í gær hafi borist beiðni frá fjarskiptamiðstöð lögreglunnar um aðstoð þyrlu eftir að óstaðfestar fregnir höfðu borist af hvítabirni á sundi við Vatnsnes. 

Þegar þyrlan TF-LIF kom á svæðið var fljótlega lent við Geitafell þar sem för sáust í sandinum sem talin voru vera eftir bjarndýrið. Var í framhaldinu leitað ítarlega um Vatnsnes án árangurs. Í samráði við lögreglu var þá ákveðið að gera hlé á leitinni til morguns. 

Í morgun var svo farið að nýju í loftið og leitað með strandlengjunni frá Skaga inn Húnafjörð, yfir Þingeyrasand og fyrir Vatnsnes. Var síðan haldið áfram alveg vestur um og norður í Bjarnarfjörð á Hornströndum.

Tengdar fréttir

Leitað að hvítabirni við Húnaflóa

Leit að ísbirni er hætt

• Efast um heimsókn hvítabjarnar
• Leit hefst að nýju um hádegi
• Engin ákvörðun um þyrluflug
• Hvítabjörn á sundi?

» Fleiri tengdar fréttir

• 2 blogg um fréttina

Bloggað um fréttina

• Torfi Kristján Stefánsson: Vita birnirnir núorðið af móttökunum?
• Ómar Ragnarsson: "Víst ertu snjall og vís, Björn..."