Mörður kemur njólanum og borgaryfirvöldum til varnar

Mörður Árnason þingmaður Samfylkingarinnar kemur borgaryfirvöldum til varnar í pistli á vefsvæði sínu. Hann segir snöggskornar grasflatir með standardgróðri einkenni amerískrar bílaborgar sem gerðar hafi verið að fyrirmynd í Reykjavík í kringum 1960. „Nú eiga þeir tímar loksins að vera liðnir. Lifi njólinn!“

Í pistli sínum veltir Mörður því fyrir sér hvers vegna upp spretti „ótrúlegur pirringur út í náttúrulegan gróður á umferðareyjum og túnskikum í Reykjavík? Og þessi hystería yfir að ekki skuli heyjað í borginni mörgum sinnum á sumri?“

Hann segir að í borgarlandinu hafi verið og séu melar og mýrar fyrst og fremst og þar eigi að vera þau grös sem að fornu spruttu. „[Þ]ar á meðal hvannjólinn, sem er eiginlega einkennisjurt höfuðborgarinnar, og partur af heimi æskuáranna.

[...]

Við bara búum hérna í einmitt þessari náttúru, og það er segin saga að þessar gervilegu skrúðgrastorfur láta sífellt undan síga fyrir reykvískum villigróðri nema með ævintýralegu nostri. En það nostur á heima í görðum, húsgörðum fjölskyldnanna og sameiginlegum garðsvæðum íbúanna, ekki á almennu reykvísku bersvæði.“

mbl.is/Sverrir Vilhjálmsson

• 4 blogg um fréttina

Bloggað um fréttina

• Ívar Pálsson: Marðar- Njóli
• Gunnar Heiðarsson: Mörður vill sovéskt yfirbragð á Reykjavík
• Torfi Kristján Stefánsson: Og ekki má gleyma blessaðri lúpínunni!
• Níels A. Ársælsson.: Njóli - fardagakál