Vegna lítils framboðs heldur húsaleiga áfram að hækka og ýtir eftirspurn eftir húsnæði til útleigu fyrir ferðamenn undir þá þróun.

Ólafur Björn Blöndal, löggildur fasteignasali hjá Fasteign.is, segir framboðið á markaðnum alltof lítið.

„Tilfinning mín er sú að undanfarna sex mánuði hafi eftirspurnin verið 30% meiri en framboðið. Það er sama hvar borið er niður í stærðum, allt frá tveggja herbergja íbúðum og upp í einbýlishús. Við höfum ekki undan þegar við fáum eignir til útleigu. Þær fara eins og hendi sé veifað. Ég veit dæmi um fólk sem hefur fengið 30-40 fyrirspurnir eftir að hafa auglýst eignir á vefnum.

Afleiðingin af þessum skorti er sú að fólk er að yfirbjóða hvert annað.“

Svanur Guðmundsson, leigumiðlari hjá Húsaleiga.is, áætlar að 30% eigna á markaðnum í dag séu leigðar til ferðamanna. Þá kaupi erlendir aðilar eignir til þess að leigja þær út.

Tengdar fréttir

Húsnæðismarkaðurinn

Verkalýðshreyfingin pólitísk í eðli sínu

• Húsbyggjendur fái hlutdeildarlán
• Dýrara að byggja á þéttingarreitunum
• Græddi á láninu
• Atvinnu-AirBnb „ígildi þess að reka gistiheimili“

» Fleiri tengdar fréttir