Innlent | mbl | 18.7.2012 | 18:22 | Uppfært 21:50

Borgarstjórinn farinn til Noregs

Borgarstjórinn er kominn til Noregs og frestast því leit að honum um stundarsakir. Morgunblaðið/Eggert

„Okkur barst ábending um að borgarstjórinn væri nýfloginn til Noregs í frí,“ sagði Áslaug Arna Sigurbjörnsdóttir, formaður Heimdallar, í samtali við mbl.is nú fyrir stundu. „Þar sem við viljum finna hann á Íslandi mun leitin halda áfram þegar hann snýr til baka, sem okkur skilst að verði eftir viku eða tvær. Verðlaunin eru því enn í boði fyrir þann sem fyrstur kemur auga á hann hér á landi.“

Fyrr í dag auglýsti Heimdallur viðburð undir heitinu „Leitin að Jóni Gnarr!“ á fésbókarsíðu félagsins. Finnst Heimdellingum borgarstjórinn ekki hafa verið nægilega sýnilegur undanfarin misseri og vilja annaðhvort að breyting verði á eða að hann láti af embættinu.

Sjá fyrri umfjöllun mbl.is um málið hér.