Evrópusambandið hefur í hyggju að bjóða Íslendingum 10% af ráðlögðum makrílkvóta í Norðaustur-Atlantshafi og Færeyingum sama hlutfall samkvæmt því sem fram kemur á írsku fréttasíðunni Donegal Democrats í dag.

Þar segir ennfremur að framkvæmdastjórn Evrópusambandsins sjái fram á að geta stöðvað „stjórnlausa rányrkju“ Íslendinga og Færeyinga á makrílstofninum með slíku tilboði og að um sé að ræða ásættanlega lendingu til þess að binda enda á makríldeiluna.

Fram kemur að fréttir þess efnis hafi valdið miklum áhyggjum í útgerðarbænum Killybegs í Donegal-sýslu sem hafi mikilla hagsmuna að gæta af makrílveiðum. Þar á bæ sé litið svo á að með slíku tilboði sé verið að verðlauna framkomu Íslendinga og Færeyinga sem jafngildi sjóránum.

Undanfarin ár hafa veiðar Íslendinga á makrílstofninum numið um 16% af ráðlögðum kvóta.

Frétt Donegal Democrats

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 2 blogg um fréttina

Bloggað um fréttina

• Samtök um rannsóknir á ESB ...: Engin þörf á að semja um neinn makrílkvóta Íslands nema …
• Guðrún María Óskarsdóttir.: Evrópusambandið hefur ekki sjálfsskipað eignarhald á Makríl.