Frumniðurstöður í rannsókn á sandsíli benda eindregið til þess að sandsíli fitni ekki sökum samkeppni um fæðu í sjónum. Líklegasti sökudólgurinn er makríll sem er nýgenginn inn á Íslandsmið.

Svo segir Erpur Snær Hansen, líffræðingur og sviðsstjóri vistfræðirannsókna hjá Náttúrufræðistofnun Íslands í Morgunblaðinu í dag. Sandsíli hefur fækkað mikið á undanförnum árum við strendur Íslands. Nú er svo komið að lítið er eftir af sílinu sem er meðal annars fæða lunda sem hefur átt erfitt uppdráttar.

„Það eru tvær tilgátur í gangi um það af hverju sandsíli hefur fækkað. Önnur gengur út á samkeppnina. Það er að makríll sé að borða, bæði fæðu sandsílisins og sandsílið sjálft. Eins að stóri ýsuárgangurinn frá árinu 2003 hafi étið svo mikið af sandsílishrognum. Hin tilgátan er sú að átumagn breytist með hlýrri sjó. Fyrir vikið verði sílið rýrara,“ segir Erpur.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir