Minni velta á fasteignamarkaði

Fjöldi þinglýstra kaupsamninga á höfuðborgarsvæðinu 20. júlí til og með 26. júlí sl. var 88. Þar af voru 64 samningar um eignir í fjölbýli, 18 samningar um sérbýli og 6 samningar um annars konar eignir en íbúðarhúsnæði. Heildarveltan var 2.542 milljónir króna og meðalupphæð á samning 28,9 milljónir króna. Heildarveltan í vikunni á undan var rúmir 3 milljarðar en þá var 115 samningum þinglýst. Þetta kemur fram í upplýsingum Þjóðskrár.

Í síðustu viku var 7 kaupsamningum þinglýst á Suðurnesjum. Þar af var 1 samningur um eignir í fjölbýli, 5 samningar um sérbýli og 1 samningur um annars konar eignir en íbúðarhúsnæði. Heildarveltan var 140 milljónir króna og meðalupphæð á samning 20 milljónir króna.

Á sama tíma var 7 kaupsamningum þinglýst á Akureyri. Þar af voru 4 samningar um eignir í fjölbýli, 2 samningar um sérbýli og 1 samningur um annars konar eignir en íbúðarhúsnæði. Heildarveltan var 154 milljónir króna og meðalupphæð á samning 21,9 milljónir króna.

Á sama tíma var 7 kaupsamningum þinglýst á Árborgarsvæðinu. Þeir voru um eignir í sérbýli. Heildarveltan var 124 milljónir króna og meðalupphæð á samning 17,7 milljónir króna.

Vakin er athygli á að meðalupphæð kaupsamnings er ekki hægt að túlka sem meðalverð eigna og þar með sem vísbendingu um verðþróun. Þetta er vegna þess að hver kaupsamningur getur verið um fleiri en eina eign auk þess sem eignir eru misstórar, misgamlar o.s.frv.

• 1 blogg um fréttina

Bloggað um fréttina

• Jakobína Ingunn Ólafsdóttir: Ráðskast með fasteignaverð