Enn í lífshættu eftir bílveltu

Líðan fólksins sem slasaðist í bílveltu á Steingrímsfjarðarheiði í fyrrakvöld er óbreytt. Annað þeirra, karlmaður, er ennþá sofandi í öndunarvél á gjörgæsludeild Landspítalans og er með lífshættulega áverka eftir slysið, en hitt, sem er kona, er á batavegi.

Hún er þó enn á gjörgæsludeildinni.

Um er að ræða erlenda ferðamenn, karl og konu, sem voru farþegar í bílnum er hann valt út af veginum austast í Norðdal þegar komið er niður af heiðinni. Ökumaður bílsins, íslenskur karlmaður, var látinn er að var komið.

• 1 blogg um fréttina

Bloggað um fréttina

• Haraldur Haraldsson: Enn í lífshættu eftir bílveltu//Blessað fólkið,slys eru alvarleg,svo einn látinn …