„Þar verð ég ekki“
Setja bókamerki
Björn Valur Gíslason, þingmaður VG, var ekki viðstaddur embættistöku forseta Íslands í dag. Hann segir að það sé úrelt fyrirkomulag að forseti sé settur í embætti í Alþingishúsinu og lagt sé að þingmönnum að vera viðstaddir klæddir í kjól og hvítt.
„Hér er ekki um þinglega athöfn að ræða og þingmönnum ber engin skylda til að vera við innsetningu forseta í embætti. Nær væri að innsetningin færi fram á Þingvöllum að viðstöddum öllum þeim sem vildu vera þar til vitnis eða jafnvel í Þjóðmenningarhúsinu sem notað hefur verið til ýmissa stórviðburða sem skráðir verða á spjöld sögunnar,“ skrifar Björn Valur á bloggsíðu sína.
„Ólafur Ragnar Grímsson hefur nánast hótað því að afnema þingræði á Íslandi þegar honum hentar svo að gera og talað mjög fjálglega um vald forseta. Í því ljósi er það meira kaldhæðnislegt að hann skuli settur í embætti í sjálfu þinghúsinu sem hýsir elsta þjóðþing í heimi.
Honum hlýtur að vera skemmt við húrrahróp og fagnaðarlæti kjólfatakæddra þingmanna við innsetninguna í dag, honum til heiðurs.
Þar verð ég ekki,“ segir Björn Valur ennfremur.
Á algjöru frumstigi eftir þrjár vikur af verkfalli
Hvað gerðist eiginlega í VMA?
Sparnaður heimila vex meira en áður var talið
Gosið gæti varað lengur: Meiri fyrirstaða í gosrásinni
Verulega hægt á hagvexti frá byrjun síðasta árs
Búseta skortir byggingarlóðir
Erlendir miðlar greina frá tíunda gosinu
Sáu eldgosið brjótast út frá Snæfellsnesi