Leiðin yfir Hvanná enn varhugaverð

Leiðin inn í Þórsmörk getur verið varhugaverð þar sem farið er yfir Hvanná en áin hefur breytt sér og rennur nú í einum stokk. Unnið er að viðgerðum, samkvæmt upplýsingum frá Vegagerðinni.

Á morgun verður malbikað á Nýbýlavegi á kaflanum milli Túnbrekku og Álfabrekku. Gatan verður lokuð til austurs og verða  hjáleiðir um Túnbrekku og Álfhólsveg. Vegna framkvæmdanna á þessum vegkafla má búast við minniháttar umferðartöfum.

Eftir hádegi verður malbikað á Reykjanesbraut  til suðurs frá Miklubraut  að Stekkjarbakka. Unnið verður á einni akrein í einu, segir í tilkynningu frá Vegagerðinni.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Hættið að gera við Hvanná, hún lagar sig sjálf