Skútu hvolfdi úti fyrir Reykjavík

Skútu hvolfdi vestur af Akurey fyrir utan Reykjavík upp úr klukkan 20 í kvöld. Einn maður var um borð í skútunni og komst hann af sjálfsdáðum upp á kjöl hennar.

Þyrla Landhelgisgæslunnar var kölluð út en ekki kom til þess að hennar nyti við þar sem björgunarskipið Þórður S. Kristjánsson var statt ekki langt frá og náði fljótlega á staðinn.

Björgunarsveitir og kafarar voru einnig kallaðir út í fyrstu en aðstoð þeirra svo afturkölluð. Samkvæmt upplýsingum frá Landhelgisgæslunni er maðurinn heill á húfi. Verið er að draga skútuna í land, en ekki liggur fyrir að svo stöddu hvað olli því að henni hvolfdi. 

• 2 blogg um fréttina

Bloggað um fréttina

• Eyjólfur Jónsson: Ekki liggur fyrir af hverju henni hvolfdi, en sennilega vegna …
• Haraldur Haraldsson: Skúta valt úti fyrir Reykjavík/Flott að mannbjörg varð!!!!