Átta af tólf þingmönnum Vinstri grænna vilja endurskoða aðildarviðræðurnar við ESB áður en gengið verður til þingkosninga næsta vor. Kemur þar bæði til þróun aðildarviðræðna við sambandið og þróunin innan þess og á evrusvæðinu síðan aðildarumsókn var lögð fram 2009.

Mikil ólga hefur verið innan VG vegna umsóknarinnar síðustu mánuði, ekki síst á landsbyggðinni, og dró til frekari tíðinda í málinu um helgina þegar tveir ráðherrar VG, Svandís Svavarsdóttir og Katrín Jakobsdóttir, lýstu því yfir við fréttastofu RÚV að endurmeta þyrfti ESB-viðræðurnar.

Með því ganga þær til liðs við Ögmund Jónasson innanríkisráðherra en samtöl Morgunblaðsins við þingflokk VG benda til að minnst fimm þingmenn VG séu sama sinnis.

Spurð um ummæli Katrínar og Svandísar í fréttaskýringu um þetta mál í Morgunblaðinu í dag kveðst Sigríður Ingibjörg Ingadóttir, þingmaður Samfylkingar, telja þau benda til kosningaskjálfta.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir