„Ég óttast það að ef við hættum þessum viðræðum við Evrópusambandið og gefumst upp á þessu verkefni værum við að einhverju leyti ekki að senda nógu góð skilaboð til atvinnulífsins og heimilanna,“ segir Magnús Orri Schram, þingflokksformaður Samfylkingarinnar, spurður um yfirlýsingar úr þingflokki Vinstrihreyfingarinnar - græns framboðs þess efnis að rétt sé að endurskoða umsóknina um inngöngu í Evrópusambandið.

„Ég tel að við eigum bara að halda áfram þessum viðræðum og vinna að þessu sem best og leggja síðan samninginn í dóm þjóðarinnar og fólk getur þá tekið afstöðu til þess hvaða leiðir það telur skynsamlegastar. Við erum núna á næstunni að fá skýrslu frá Seðlabankanum þar sem farið er yfir kosti okkar í peningamálunum og þá munum við sjá glögglega hvaða aðrir kostir eru í stöðunni,“ segir hann.

Magnús segist alltaf hafa fagnað umræðu um peningamál Íslands og þær mögulegu leiðir sem hægt væri að fara í þeim efnum. „Evran er einn þeirra kosta sem að lokum bjóðast og við erum um leið að loka á það sem ég tel vera skynsamlegasta kostinn ef við hættum aðildarviðræðunum,“ segir hann og því væri rangt að hætta við umsóknina núna.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Rökin fyrir ESB-umsókn eru ónýt
• Óðinn Þórisson: Djúpstæð vandamál Samfylkingarinnar