Ekki allir sáttir við ráðherraskiptin

Ekki voru allir á eitt sáttir á flokksstjórnarfundi Samfylkingarinnar um breytingartillögu Jóhönnu Sigurðardóttur þess efnis að Oddný G. Harðardóttir viki sæti í ríkisstjórn fyrir Katrínu Júlíusdóttur sem snýr aftur úr fæðingarorlofi 1. október næstkomandi.

Soffía Sigurðardóttir, flokksstjórnarfulltrúi Samfylkingarinnar, kvaddi sér hljóðs á fundinum og sagðist vera alfarið á móti skiptunum. Sagði hún að Oddný hefði sinnt starfinu með sóma og þótt Katrín væri „vel hæf til að vera ráðherra, forsætisráðherra, jafnvel forseti - þá erum við það líka mörg hér inni“.

Dagur B. Eggertsson, varaformaður Samfylkingarninar, sagði að flokkur sem kenndi sig við jafnaðarstefnu gæti ekki með góðri samvisku hrakið konu sem snýr aftur úr fæðingarorlofi aftast í hringiðuna. Sagðist hann styðja Katrínu í ráðherrastól, en bætti jafnframt við að Oddný hefði gegnt embættinu af stakri prýði.

• 6 blogg um fréttina

Bloggað um fréttina

• Haraldur Haraldsson: Ekki full sátt um ráðherraskiptin/Þetta skiptir okkur engvu máli innanfloksátök …
• Kristín Dýrfjörð: Barnafólk
• Jóhann Elíasson: RÉTT EINS OG ANNAÐ SEM ÞESSI RÍKISSTJÓRN KEMUR AÐ-TÓMT KLÚÐUR.
• Gísli Foster Hjartarson: Nei heyrðu mig nú Soffía!
• Óskar: Mogginn sko með þetta- tillagan var nefnilega samþykkt 89-1
• Páll Vilhjálmsson: Embætti í þágu flokks en ekki þjóðar