Konan fundin - tók þátt í leitinni að sjálfri sér
Setja bókamerki
Leit að erlendri konu var hætt um kl. 3 í nótt er í ljós kom að hún hafði verið allan tímann í rútunni og meira að segja tekið þátt í leitinni að sjálfri sér. Konan, sem var af asískum uppruna, var talin hafa yfirgefið rútu við Eldgjá í Skaftártunguafrétti og ekki snúið aftur. Nú hefur komið í ljós að hún kom aftur í rútuna, en hafði skipt um föt og snyrt sig svo aðrir farþegar báru ekki kennsl á hana.
Samkvæmt upplýsingum Landhelgisgæslunnar stóð til síðdegis í gær að senda þyrluna til leitar á svæðinu en töluverður fjöldi björgunarsveitarmanna á Suðurlandi og lögreglan á Hvolsvelli höfðu allt frá hádegi leitað konunnar. Þar sem þokuloft var á svæðinu og skyggni slæmt var ákveðið að senda þyrluna ekki af stað.
En um kl. 3 var svo leitinni aflýst með öllu þar sem ljóst þótti að konan var með í för allan tímann og hafði sem fyrr segir tekið þátt í leitinni.
Sparnaður heimila vex meira en áður var talið
Á algjöru frumstigi eftir þrjár vikur af verkfalli
Óttast að fólk fari aftur að eyða peningum
Borgin verður af milljörðum eftir dóm Hæstaréttar
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Gosið gæti varað lengur: Meiri fyrirstaða í gosrásinni
Sáu eldgosið brjótast út frá Snæfellsnesi
Tekist á um áður óþekkta skýrslu landlæknis