Ögmundur þarf að skýra málið

Eygló Harðardóttir alþingismaður segir að Ögmundur Jónasson innanríkisráðherra verði að skýra betur hvers vegna hann hafi við ráðningu sýslumanns á Húsavík tekið karl fram yfir konu og þar með brotið jafnréttislög.

Kærunefnd jafnréttismála hefur úrskurðað að Ögmundur hafi brotið jafnréttislög í fyrra þegar hann réð karlmann í embætti sýslumanns á Húsavík.

Eygló minnir á að Ögmundur sé fyrrverandi formaður BSRB. „Eftir sit ég og hugsa: af hverju, Ögmundur?

Eru konur verri í að skera niður en karlar?  Eru  konur síðri í að stjórna starfsmönnum?

Af hverju? Hann hlýtur að þurfa að skýra mál sitt betur,“ segir Eygló á blogsíðu sinni.

• 1 blogg um fréttina

Bloggað um fréttina

• Jóhann Elíasson: FASTUR LIÐUR HJÁ RÁÐHERRUM "NORRÆNU VELFERÐARSTJÓRNARINNAR" AÐ BRJÓTA JAFNRÉTTISLÖG..