Úrskurðurinn áfall fyrir stjórnina

Femínistafélag Íslands ályktar að það sé óviðunandi að ráðherrar brjóti jafnréttislög.
Félagið tekur undir með framkvæmdastýru Jafnréttisstofu og krefst þess að skotheldar reglur verði settar varðandi ráðningar á vegum hins opinbera.

Þetta kemur fram í yfirlýsingu frá félaginu. Þar hvetur félagið innanríkisráðherra til að taka nýfallinn dóm kærunefndar jafnréttismála alvarlega og taka til sín þær ábendingar sem þar koma fram um hvernig betur hefði verið hægt að standa að málum.

„Úrskurðurinn hlýtur að teljast áfall fyrir ríkisstjórn sem hefur talað djarflega og af metnaði í jafnréttismálum. Femínistafélagið hvetur stjórnvöld eindregið til að taka úrskurði kærunefndar jafnréttismála alvarlega og grípa til aðgerða til að fyrirbyggja frekari brot ráðherra og stjórnvalda á jafnréttislögum,“ segir í ályktuninni.

• 3 blogg um fréttina

Bloggað um fréttina

• Ásgrímur Hartmannsson: Ef það er eitthvað að marka sjónvapsfréttir í gær
• Tryggvi Þórarinsson: Alltaf sömu vinnubrögðin, ég gerði ekkert vitlaust, ég hef rétt …
• Haraldur Haraldsson: Óviðundandi að ráðherrar brjóti lög/ég er þarna bara sammála Ögmundi …