„Enginn samningur er betri kostur en slæmur samningur fyrir Evrópusambandið og írska sjómenn,“ segir írski Evrópuþingmaðurinn Pat Gallagher um makríldeiluna í samtali við fréttavefinn Donegal Democrat í dag. Hann bætir því við að það væri gríðarlega ósanngjarnt að verðlauna ríki sem stunda ósjálfbærar veiðar með hærri aflahlutdeild og skírskotar þar til Íslands og Færeyja.

Fundað verður í London á morgun um lausn á makríldeilunni og mæta fulltrúar Íslands á fundinn ásamt fulltrúum Evrópusambandsins, Noregs og Færeyja. Steingrímur J. Sigfússon atvinnuvegaráðherra situr fundinn fyrir Íslands hönd en fundurinn hefst í fyrramálið. Maria Damanaki, sjávarútvegsstjóri Evrópusambandsins, situr fundinn fyrir hönd sambandsins.

Gallagher segist trúa því staðfastlega að ef allir aðilar deilunnar mæta til viðræðnanna með „uppbyggilega nálgun“ sé hægt að skapa grundvöll fyrir sanngjarna skiptingu makrílkvótans. „Hins vegar verður framkvæmdastjórn Evrópusambandsins að taka harða afstöðu fyrir hönd írskra sjómanna þar sem kröfur Íslendinga og Færeyinga eru óréttlætanlegar.“

Þá staðfestir hann að 12. september næstkomandi muni Evrópuþingið ganga frá samkomulagi sem heimili Evrópusambandinu að grípa til refsiaðgerða gegn ríkjum utan sambandsins sem að mati þess stundi ósjálfbærar fiskveiðar.

Frétt Donegal Democrat

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 3 blogg um fréttina

Bloggað um fréttina

• Guðjón Sigþór Jensson: Mikilvægt að ná sáttum með samningum
• Gunnlaugur Bjarnason: Nýr Svavarssamningur ?
• Páll Vilhjálmsson: ESB er hagsmunagæsla