Haft er eftir Steingrími J. Sigfússyni, atvinnuvegaráðherra, á fréttavefnum Fishupdate.com í dag að Íslendingar verði að standa fastir á hagsmunum sínum í makríldeilunni og leyfa ekki öðrum að hafa afskipti af þeim.

Eins og mbl.is hefur fjallað um er Steingrímur nú staddur á fundi í London ásamt sjávarútvegsráðherrum Noregs og Færeyja auk sjávarútvegsstjóra Evrópusambandsins þar sem freista á þess að ná lendingu í deilunni.

Rifjað er upp í fréttinni að hagsmunaaðilar í sjávarútvegi í Noregi og Evrópusambandinu hafi hvatt norska sjávarútvegsráðherrann, Lisbeth Berg-Hansen, og sjávarútvegsstjóra sambandsins, Mariu Damanaki, til þess að sýna Íslendingum og Færeyingum hörku á fundinum í London og hóta bæði refsiaðgerðum og að hætta viðræðum við Íslendinga um inngöngu í Evrópusambandið.

Ennfremur er haft eftir Steingrími að mikið sé í húfi vegna málsins, ekki síst umsókn Íslands um inngöngu í Evrópusambandið. Makríldeilan sé flókin viðfangs en Íslendingar yrðu að vera fastir fyrir þegar hagsmunir þeirra væru annars vegar.

Frétt Fishupdate.com

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Steingrímur J. er áhyggjufullur vegna ESB-umsóknar