Heimilt að selja heimatilbúið

Ekki þarf lengur að sækja um leyfi til heilbrigðiseftirlits sveitarfélaga til að selja heimatilbúin matvæli á bösurum, hjá félagasamtökum og íþróttafélögum á hátíðum og kappleikjum og sölu á matjurtum og villibráð í litlu magni.

Gefin hefur verið út reglugerð um framleiðslu og markaðssetningu aðila undir smáræðismörkum á matvælum og afhendingu frumframleiðenda á litlu magni matvæla beint til neytenda og staðbundina smásölufyrirtækja. Reglugerðin er sett í kjölfarið á breytingum sem Alþingi gerði í vor á lögum um matvæli.

Reglugerðin tekur í fyrsta lagi til sölu eða afhendingar matvæla þar starfsemin er ekki samfelld heldur tilfallandi, lýtur ekki sérstöku skipulagi og er ekki rekin í eigin hagnaðarskyni.

Í öðru lagi tekur reglugerðin til sölu á frumframleiðsluvörum úr jurtaríkinu sem framleiddar eru í litlu magni og markaðssettar beint til neytenda eða staðbundinna smásölufyrirtækja og í þriðja lagi nær reglugerðin til frumframleiðenda sem eru ekki með samfellda starfsemi eða sérstakt skipulag, samkvæmt frétt á vef Matvælaeftirlitsins.

Þeir sem falla undir ákvæði reglugerðarinnar verða hins vegar að tryggja að matvæli sem þeir framleiða og markaðssetja séu örugg og ekki heilsuspillandi eða óhæf til neyslu.  

• 1 blogg um fréttina

Bloggað um fréttina

• Haraldur Haraldsson: Heimilt að selja heimatilbúið/Mikið var að þeir tólku rétta afstöðu!!!