Áhyggjur af fáum ákærum

Mannréttindanefnd Sameinuðu þjóðanna hefur áhyggjur af því hversu fá mál vegna kynferðisofbeldis gegn börnum fari fyrir dómstóla og að enn færri leiði til sakfellingar. Stjórnvöld ættu að tryggja tafarlausa rannsókn á málum sem tilkynnt eru og að ofbeldismenn hljóti makleg málagjöld.

Í nýlegu áliti mannréttindanefndarinnar er áhyggjum lýst af því að tilkynningar til barnaverndarnefnda um kynferðisofbeldi gegn börnum verði ekki til þess að ákæra er gefin út á hendur ofbeldismanninum. Meðal þess sem lagt er til að gert verði er að auka fræðslu til kennara og annarra sem vinna með börnum, en einnig heilbrigðisstarfsfólks, lögreglumanna og lögmanna.

• 1 blogg um fréttina

Bloggað um fréttina

• Haraldur Haraldsson: Áhyggjur af fáum ákærum/Þetta þurfa allir að hafa í huga!!!!!