Samningsafstaða Íslands í efnahags- og peningamálum vegna umsóknarinnar um inngöngu í Evrópusambandið hefur verið birt á vefsíðu utanríkisráðuneytisins vegna viðræðnanna, Vidraedur.is, samkvæmt fréttatilkynningu frá ráðuneytinu.

Fram kemur að samningsafstaðan hafi verið send framkvæmdastjórn Evrópusambandsins og ríkjum sambandsins eftir að fjallað hafi verið um hana í samningahópi um efnahags- og peningamál, samninganefnd Íslands og utanríkismálanefnd Alþingis og hún samþykkt í ráðherranefnd um Evrópumál og í ríkisstjórn.

Þá kemur fram að samkvæmt samningsafstöðunni sé stefnt að því að taka upp evru sem gjaldmiðil Íslands eins fljótt og auðið sé eftir að inn í Evrópusambandið verður komið. Óskað er eftir undantekningu frá því að afhenda stofnunum sambandsins ýmsar hagtölur aftur í tímann þar sem slíkar hagtölur séu í mörgum tilvikum ekki til.

Ennfremur segir í fréttatilkynningunni að gert sé ráð fyrir því að viðræður samninganefndar Íslands og Evrópusambandsins um kaflann um efnahags- og peningamál hefjist fyrir lok þessa árs. Þá segir að samningsafstaða Íslands liggi nú fyrir í 25 köflum af þeim 35 sem viðræðurnar snúast um. Þar af er viðræðum lokið til bráðabirgða um tíu kafla.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Samtök um rannsóknir á ESB ...: Á hnjánum til Brussel
• Sigurður Haraldsson: Mæting á Austurvöll!