Mikill uppgangur makríls ógnar norsk-íslenska síldarstofninum og bregðast ætti við því með að veiða niður makrílinn.

Þetta er mat norska fiskifræðingsins Jens Christian Holst hjá norsku hafrannsóknastofnuninni sem hann lýsir í viðtali við norska sjávarútvegsblaðið Fiskarená föstudag.

Holst segir að síldarstofninn dragist saman um allt að tvær milljónir tonna á ári vegna aukinnar samkeppni um fæðu við makrílinn og kolmunna. Hann telur að makrílstofninn sé vanmetinn og hann gæti verið allt að tvisvar sinnum stærri en talið sé. Þá verði síldin undir í samkeppninni um átu við kolmunnann.

Að sögn Jóhanns Sigurjónssonar, forstjóra Hafrannsóknastofnunar, hafa miklar sviptingar orðið hjá uppsjávartegundunum síld, kolmunna og makríl. Þær séu í beinni samkeppni um fæðu og þekkt sé að lægð hafi verið í fæðuframboði á svæðinu.

Tengdar fréttir

Makrílveiðar

Útbreiðsla makríls í íslenskri landhelgi ein sú minnsta

• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu
• Tæplega fimm kíló af makríl fyrir eitt af þorski

» Fleiri tengdar fréttir