Bilunin ekki í sjó

Búið er að staðsetja bilunina í öðrum af tveimur rafstrengjum sem sjá Eyjamönnum fyrir raforku. Strengurinn bilaði í gær en óttast var að bilunin væri í sjó, þannig að viðgerð yrði erfið. Nú er hins vegar komið í ljós að bilunin er 2-300 metra frá sjávarmáli, inni í landi, þannig að viðgerð verður mun auðveldari en ef bilunin hefði verið í sjó.  Þetta segir Guðlaugur Sigurgeirsson hjá Landsneti í frétt á vef Eyjafrétta.

„Reyndar er aldrei hægt að staðsetja bilun 100% nema með því að grafa niður á hana og nú er unnið að því.  En það eru allar líkur á því að bilunin sé þarna.  Þarna eru samskeyti strengsins sem fer í sjó og þess sem er í landi og viðbragðsáætlun um viðgerð er komin í gang.  Við fáum væntanlega tvo danska sérfræðinga til landsins á sunnudaginn en fram að þeim tíma verður unnið að undirbúningi að viðgerðinni.  Meðal þess sem þarf að gera er að grafa niður á strenginn, byggja yfir hann skýli og setja dælur til að dæla sjó í burtu frá honum.“

• 1 blogg um fréttina

Bloggað um fréttina

• Ásgrímur Hartmannsson: Það var nú ágætt