Verið er að ýta Evrópumálunum til hliðar í íslenskum stjórnmálum að mati Þorsteins Pálssonar, fyrrverandi forsætisráðherra og fulltrúa í samninganefnd Íslands vegna umsóknarinnar um inngöngu í Evrópusambandið.

Þetta kemur fram í grein sem hann skrifar í Fréttablaðið í dag en þar segir hann meðal annars að formaður Vinstrihreyfingarinnar - græns framboðs, Steingrímur J. Sigfússon, komi nú fram sem pólitískur leiðtogi ríkisstjórnarsamstarfsins og bjóði Framsóknarflokknum að taka þátt í að útiloka Sjálfstæðisflokkinn frá ríkisstjórnarþátttöku.

Þorsteinn segir Steingrím geta þetta vegna þeirrar tilslökunar í Evrópumálum sem hafi átt sér stað hjá formanni Samfylkingarinnar, Jóhönnu Sigurðardóttur forsætisráðherra. „Sú málefnalega sveigja ræðst alfarið af því að vinstri armurinn hefur nú bæði tögl og hagldir í flokknum. Þetta þýðir að í Samfylkingunni er verið að ýta þeim til hliðar sem vilja að heildarefnahagsstefnan ráðist af markmiðinu um upptöku evru,“ segir Þorsteinn.

Þá segir hann að í Sjálfstæðisflokknum sé verið að ýta þeim til hliðar sem vilja ljúka aðildarviðræðunum við Evrópusambandið og þegar sé búið að því innan Framsóknarflokksins.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Valdimar Samúelsson: Það verður engu ýtt til hliðar. Það verður að draga …
• Páll Vilhjálmsson: Samfylkingardeild Sjálfstæðisflokksins komin út í horn
• Haraldur Haraldsson: Evrópumálunum ýtt til hliðar?///// Vonandi alveg,en það er kannski óskhyggja??
• Óðinn Þórisson: Stjórnarflokkarnir að fara á taugum og esb - mál SF …