Hafa ekkert á móti Biblíunni í Suðurhlíðarskóla

Kristján Guðbjartsson Bergmann og Guðmundur Erlendsson Gídeons-menn heimsóttu Suðurhlíðarskóla á þriðjudag og afhentu Nýja testamentið. „Við höfum ekkert á móti Biblíum hér,“ segir í tilkynningu frá skólanum um viðburðinn. Suðurhlíðaskóli er einkaskóli og rekinn af aðventistum.

Gídeonsfélagið á Íslandi hefur gefið nemendum á aldrinum 10-15 ára yfir 330.000 eintök af Nýja testamentinu og alls um 700.000 eintök, frá því að félagið varð starfrækt á Íslandi árið 1945. Séra Friðrik Friðriksson (KFUM og K) var einn af stofnendum félagsins hérlendis, en hann hafði kynnst stofnendum Gídeonsfélagsins á för sinni til Kanada.

„Mér var gefin þessi bók árið 1961, ég var þá 12 ára, og ég á hana enn,“ sagði Eric Guðmundsson, forstöðumaður aðventista á Íslandi, þegar Nýja testamentið var afhent.

• 1 blogg um fréttina

Bloggað um fréttina

• Óli Jón: Og síðan lögðu þeir leið sína í Háskólann í Reykjavík …