Guðlaugur Gylfi Sverrisson, verkefnastjóri hjá Úrvinnslujóði og fyrrverandi stjórnarformaður Orkuveitu Reykjavíkur, býður sig fram til forystu á lista Framsóknarflokksins í Reykjavík fyrir komandi alþingiskosningar.

Guðlaugur Gylfi hefur lengi verið virkur í starfi Framsóknarflokksins, samkvæmt tilkynningu.

Hann hefur verið formaður Framsóknarfélags Seltjarnarness, setið í stjórnum framsóknarfélaganna í Reykjavík, þar af formaður Framsóknarfélags Reykjavíkur í tvö ár. Setið í stjórn kjördæmasambands framsóknarfélaganna í Reykjavík. Árið 1999 var Guðlaugur Gylfi kosningastjóri framboðs Framsóknarflokksins til Alþingis í Reykjaneskjördæmi. Hann á sæti í miðstjórn Framsóknarflokksins.

Á árunum 2008-2010 gegndi Guðlaugur stöðu varamanns í borgarráði, var stjórnarformaður Orkuveitu Reykjavíkur, ásamt því að sitja í stjórn Gagnaveitu Reykjavíkur, Austurhafnar og malbikunarstöðvarinnar Höfða.

Guðlaugur Gylfi er 51 árs Reykvíkingur. Hann er með vélstjórnarmenntun af 4. stigi frá Vélskóla Íslands og diplómanám í rekstrar- og viðskiptafræði frá Endurmenntun Háskóla Íslands. Hann hefur starfað til sjós, unnið við sölumennsku, starfað sem verkefnastjóri í umhverfisráðuneytinu frá 2000-2003, síðan frá árinu 2003 verið verkefnastjóri hjá Úrvinnslusjóði.

Guðlaugur Gylfi er kvæntur Höllu Unni Helgadóttur, viðskiptafræðingi og löggiltum fasteignasala, þau eiga þrjú börn.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Árni Gunnarsson: Stefnir á forystusæti!