Tekjulágir geta fengið 25% afslátt af sektum

Þeir sem eru með mánaðartekjur sem eru lægri en 247.500 krónur geta fengið 25% afslátt af sektum vegna umferðarlagabrota, verði nýtt frumvarp til umferðarlaga að lögum.

Í umfjöllun um mál þetta í Morgunblaðinu í dag kemur fram, að leggja þarf fram skattframtal síðasta árs til að fá sektina lækkaða.

Í frumvarpinu kemur ekki fram hvort afslátturinn bætist ofan á 25% afsláttinn sem hægt er að fá með því að greiða sektir innan 30 daga frá því að þær eru gefnar út en líklegt hlýtur að teljast að svo sé.