Erna Indriðadóttir, stjórnsýslufræðingur og starfsmaður Alcoa Fjarðaáls, hefur ákveðið að gefa kost á sér í annað sætið á framboðslista Samfylkingarinnar í Norðausturkjördæmi, í prófkjöri flokksins sem fram fer dagana 9. og 10. nóvember.

Erna var í tíunda sæti á lista Samfylkingarinnar í  kjördæminu í síðustu alþingiskosningum. Hún starfaði sem fréttamaður á Ríkisútvarpinu í rúm 20 ár, þar af sem deildarstjóri Ríkisútvarpsins á Akureyri í sex ár, en hefur starfað sem upplýsingafulltrúi Fjarðaáls á Reyðarfirði frá árinu 2005.

Erna telur brýnt að endurreisn landsins verði haldið áfram á grundvelli jafnaðarstefnunnar.  Hún hefur áhuga á að beita sér í atvinnumálum og byggðamálum og er þeirrar skoðunar að ljúka eigi aðildarviðræðunum við Evrópusambandið. 

Hún telur að halda eigi áfram sjálfbærri nýtingu orkulinda landsins í samræmi við rammaáætlun og vill að fólk sem flytur til starfa á landsbyggðinni fái tímabundinn skattaafslátt. 

Þá vill Erna  leggja sitt af mörkum til að bæta umræðuhefð á Alþingi og stuðla að faglegri vinnubrögðum á þeim vettvangi.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 3 blogg um fréttina

Bloggað um fréttina

• Óðinn Þórisson: KynjakvótaReglan og Erna verður nr.2
• G. Tómas Gunnarsson: Erna á Alþingi?
• Gunnar Th. Gunnarsson: Flott kona