„Þetta er að mínu viti pólitískur dómgreindarbrestur,“ segir Jóhannes Gunnar Bjarnason, fyrrverandi bæjarfulltrúi Framsóknarflokksins á Akureyri, um þá ákvörðun Sigmundar Davíðs Gunnlaugssonar, formanns flokksins, að sækjast eftir fyrsta sæti á framboðslista flokksins í Norðausturkjördæmi. Þetta kemur fram á vef Vikudags.

Höskuldur Þórhallsson, þingmaður flokksins í kjördæminu, vill sömuleiðis fara fyrir listanum og bendir flest til þess að kosið verði á milli þeirra. „Á margan hátt hefur Sigmundur Davíð staðið sig vel sem formaður og ég tel farsælast að hann bjóði sig fram á höfuðborgarsvæðinu, þar þarf flokkurinn sannarlega að sækja fram.“

Jóhannes Bjarni segir að tilkynning formannsins hafi komið flokksfólki fyrir norðan verulega á óvart. „Já, það get ég fullyrt, þetta kom flatt upp á alla og fólk er ennþá á undrunarstiginu. Höskuldur er vel liðinn í kjördæminu, hann hefur staðið sig vel sem þingmaður og verður sterkur leiðtogi flokksins í kjördæminu.“

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Er Framsókn að klofna í frumeindir fyrir hugleysi formannsins?