Jarðskjálfti upp á 3,2 að stærð varð í Kötlu rétt fyrir klukkan hálfníu í morgun. Gunnar Guðmundsson, jarðskjálftafræðingur á Veðurstofu Íslands, segir að upptök skjálftans hafi verið norðarlega í Kötluöskjunni. Hann hafi verið grunnur, á aðeins um 100 metra dýpi.

Gunnar segir að annar minni skjálfti hafi orðið stuttu áður, en engir skjálftar hafi fylgt í kjölfarið og enginn órói hafi komið fram á óróamælum.

Gunnar segir að fremur lítil skjálftavirkni hafi verið í Kötlu síðustu mánuði. Hann segir að engin skýr merki séu um frekari hræringar í Kötlu og á ekkert frekar von á fleiri skjálftum. Menn fylgist hins vegar alltaf vel með öllum skjálftum í Kötlu.

Það hafa áður komið jarðskjálftar í Kötlu sem eru stærri en 3, en Gunnar segir að skjálftar af þessari stærð séu ekki mjög algengir.

Skjálftinn er merktur með grænni stjörnu. Mynd/Veðurstofa Íslands

Tengdar fréttir

Katla

Stærsti skjálfti ársins í Mýrdalsjökli

• Kominn tími á nýja rýmingaráætlun
• Skjálfti í Mýrdalsjökli
• „Snerist um krónur og aura“
• Heyrðu í almannavörnum sjö tímum fyrir hlaup

» Fleiri tengdar fréttir

• 2 blogg um fréttina

Bloggað um fréttina

• Njörður Helgason: Hausthreyfingar.
• S i g u r ð u r S i g u r ð a r s o n: Hvað er eiginlega að gerast í Mýrdalsjökli?