Iceland færir út kvíarnar

Verslunarkeðjan Iceland, sem er í eigu Jóhannesar Jónssonar, hefur tekið á leigu húsnæði við Fiskislóð, sem áður hýsti verslun Europris. Jóhannes hyggst opna nýja verslun þar hinn 1. desember.

Fyrsta Iceland-verslunin hér á landi var opnuð í Engihjalla í Kópavogi í sumar. 

„Það er aldrei að vita, þótt það liggi ekki fyrir í dag,“ segir Jóhannes, spurður hvort til standi að opna fleiri verslanir Iceland. „Maður veit aldrei hvað verður á morgun.“

Nýja verslunin verður nokkru stærri en sú sem fyrir er, eða um 400 fermetrum. Jóhannes segir svipaðar áherslur verða í verslununum tveimur.

• 1 blogg um fréttina

Bloggað um fréttina

• Haraldur Haraldsson: Iceland færir út kvíarnar/Þetta flott áfram Jóhannes nú Iceland við …