Jóhanna Sigurðardóttir forsætisráðherra segist telja óþarfi að amast við framkvæmdum Landsvirkjunar í Bjarnarflagi. Hún sagðist ekki kannast við að gert hefði verið neitt þegjandi samkomulag um að fara ekki í virkjanaframkvæmdir meðan ekki væri búið að afgreiða rammaáætlun.

Kristján Þór Júlíusson alþingismaður spurði Jóhönnu út í yfirlýsingar Álfheiðar Ingadóttur, formanns þingflokks VG, um að gert hefði verið þegjandi samkomulag um að fara ekki í virkjanaframkvæmdir meðan ekki væri búið að afgreiða rammaáætlun og að þetta samkomulag væri Landsvirkjun að brjóta. Kristján minnti á að iðnaðarráðherra hefði í maí í fyrra skrifað undir samstarfsyfirlýsingu í orkumálum við sveitarfélögin á NA-landi. Hann spurði hvort ekkert væri að marka þessa yfirlýsingu.

Jóhanna sagði að það hefði verið æskilegt að búið væri að samþykkja rammaáætlun og hægt hefði verið að halda eðlilegum hraða í framkvæmdum í virkjanamálum. Hún sagði að framkvæmdir í Bjarnarflagi, sem nú stæðu yfir, væru í samræmi við skipulag og um þær væri samstaða meðal sveitarfélaga á svæðinu. Rammaáætlun gerði ráð fyrir að þarna yrði virkjað. Hún sagðist því ekki telja ástæðu til að amast við þessum framkvæmdum.

Tengdar fréttir

Mývatnssveit - virkjunarframkvæmdir

Ekki ætlunin að tefla Mývatni í hættu

• Meirihluti á móti frekari álverum
• Mývatn á rauða listann
• Spyrja um mengunarhættu Mývatns
• Landvernd vill að lært verði af Lagarfljóti

» Fleiri tengdar fréttir

• 2 blogg um fréttina

Bloggað um fréttina

• Gunnlaugur Bjarnason: Hvað með elsku litlu börnin okkar ?
• S i g u r ð u r S i g u r ð a r s o n: Hefði sjálfstæðismaður sagt þetta ...