Sölumaður fíkniefna handtekinn

Karl á þrítugsaldri var handtekinn í Garðabæ í gær en á heimili hans fannst kókaín. Maðurinn, sem hefur áður komið við sögu hjá lögreglu, viðurkenndi að kókaínið hefði verið ætlað til sölu.

Á sama stað var einnig lagt hald á rafbyssu, stera og töluvert af þýfi, en hluta þess er þegar búið að tengja við innbrot á höfuðborgarsvæðinu.

Að sögn lögreglu höfuðborgarsvæðisins var aðgerð þessi liður í að hamla gegn sölu og dreifingu fíkniefna.

Minnir lögreglan á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.

• 2 blogg um fréttina

Bloggað um fréttina

• Haraldur Haraldsson: Sölumaður fíkniefna handtekinn///Það er gott að ná þessum sölumönnum dauðans!!!!
• Ásgrímur Hartmannsson: Ég man þá tíð...