Víða leynist hálka í morgunsárið

Hálkublettir eru víða á fjallvegum að sögn Vegagerðarinnar, þar á meðal á Holtavörðuheiði, Þröskuldum og Steingrímsfjarðarheiði.

Um norðvestanvert landið er hálka á Þverárfjalli og í Vatnsskarði, en hálkublettir í Langadal og áleiðis til Skagastrandar.

Norðaustanlands eru hálkublettir í Víkurskarði, Hólaheiði og víðar og hálka á Mývatnsheiði, Hólasandi og í Mývatnsöræfum.

Á austurlandi er hálka á Möðrudalsöræfum og Fjarðarheiði. Þá eru hálkublettir á Vopnafjarðarheiði, Fagradal, Breiðdalsheiði og Öxi. 

Vegagerðin biður vegfarendur að vera vakandi fyrir hugsanlegri hálku nú í morgunsárið þar sem ekki er hægt að útiloka að hálka leynist víðar en hér er talið.

• 1 blogg um fréttina

Bloggað um fréttina

• Haraldur Haraldsson: Víða leynist hálka í morgunsárið/////Það þarf varúð milkla og vetradekk!!!