Lögmaður Borgarbyggðar segir að dómur Hæstaréttar í máli Borgarbyggðar gegn Arion banka hafi fordæmisgildi gagnvart fyrirtækjum og einstaklingum í landinu og tugir milljarða séu í húfi. Með dómnum var staðfest að Arion banka hefði verið óheimilt að breyta vöxtum á gengistryggðu láni afturvirkt og gildi samningsvextir á móti fullnaðarkvittunum.

„Ég tel að þessi dómur staðfesti að ef staðið er í skilum með svokallað ólögmætt gengistryggt lán og greitt hafi verið af því þá dragast allar greiðslur inn á höfuðstól frá stöðu lánsins áður en það er vaxtareiknað,“ segir Skarphéðinn Pétursson lögmaður Borgarbyggðar í málinu.

„Mergur málsins er að vaxtamunurinn sem endurreiknaður var miðað við lög 151/2010, svokölluð Árna Páls lög stenst ekki 72. gr. stjórnarskrár um vernd eignaréttinda og afturvirkni laga,“ segir Skarphéðinn.

Hér má sjá frétt um dóminn.

Tengdar fréttir

Dómur Hæstaréttar um gengislán

Lýsing endurreiknar í kjölfar dóma

• Lýsing tapaði þremur málum í héraði
• Íhuga sektir vegna tafa
• Færri prófmál en boðað var
• Ofmeti ekki gengisdóma

» Fleiri tengdar fréttir

• 2 blogg um fréttina

Bloggað um fréttina

• Ómar Bjarki Kristjánsson: Er gengislánahringavitleysan eitthvað að skýrast?
• Kristinn Karl Brynjarsson: Er skilyrðið um að "standa í skilum" mannréttindabrot?