Kjörsókn um fjörutíu prósent
Setja bókamerki
Eftir að hafa farið hægt af stað jókst kjörsókn töluvert þegar líða tók á daginn. Þannig var hún 39,68% í Reykjavík suður kl. 20 og 38,54% í Reykjavík norður. Í Norðurþingi var kjörsókn 40% - með utankjörfundaatkvæðum - en á Akureyri 33,6% og Fjarðabyggð 33,7%.
Eins og kunnugt er snýst þjóðaratkvæðagreiðslan um tillögur stjórnlagaráðs að frumvarpi til stjórnarskipunarlaga og tiltekin álitaefni þeim tengd.
Í Reykjavík suður höfðu 17.886 kosið kl. 20 sem er 39,68%. Á sama tíma í stjórnlagaþingskosningunum var þátttaka hins vegar 30,81%. Svipaða sögu er að segja í Reykjavík norður þar sem 17.462 höfðu kosið kl. 20, eða 38,54%, en á sama tíma í stjórnlagaþingskosningunum var kjörsókn 28,37%
Enn eru eftir að berast tölur úr Suðvesturkjördæmi og Suðurkjördæmi. Frá Suðurkjördæmi fengust þó þær upplýsingar að kjörsókn væri í daprara lagi.
Þá er hvorki tekin saman heildartala yfir kjörsókn í Norðvesturkjördæmi eða Norðausturkjördæmi. Hins vegar hafa 4.513 kosið á Akureyri, eða 33,6%, Í Fjarðabyggð var 33,7% kjörsókn og 36% í Norðurþingi en 40% með utankjörfundaatkvæðum.
Kjörstöðum verður lokað klukkan 22 í kvöld og fyrstu tölur ættu að berast upp úr kl. 23.
„Mér finnst gamla Samfylkingin komin aftur“
Telur sér ekki heimilt að úthluta Helga verkefni
Það er ekkert partí án spurninga!
Hrikalegt að heyra fréttirnar
Þetta eru ráðherrar ríkisstjórnarinnar
Ellefu skjálftar síðasta sólarhringinn
Bjarni afhenti Kristrúnu lyklana